KLEDA - BIJA E FTERRËS

Volejbollistja – kapitenia e ekipit të “17 Nëntorit”,anëtare e ekipit kombëtar

Lindi më 23.02.2008 në Tiranë. Vajza e Xhovalin Shkurtit dhe e Lumturi (Gogollit) Shkurtit. Mamaja e saj, Lumja, ka qenë volejbolliste e ekipit të “17 Nëntorit” si dhe anëtare e ekipit kombëtar, kurse gjyshi i Kledës, Hidajet Gogolli, ka qenë mundës, trajner, mjeshtër sporti në klubin “17 Nëntori”.

Dëshira e Xhovalinit dhe e Lumes ishte që vajza e tyre të merrej me sport. Në vitin 1995, kur ajo ishte vetëm 9 vjeçe, shoqëruar nga prindërit e saj bënte stërvitje dy herë në ditë nga lagja “Kombinat” ku jetonte, në palestrën “F.Hoti”. Kleda nuk u mërzit qe linte prapa shoqet, lodrat e kukullat, shumë të dashura për vajzat e asaj moshe. Trajner kishte Adrian Gorenxën, i cili jo vetëm që e ndoqi gjatë gjithë viteve, deri në vitin 2008 që mbaroi akademinë “Vojo Kushi”, por edhe e ka trajtuar si vajzën e tij. Ishte i kënaqur me ecjen e Kledës dhe shpesh thoshte: “ Me Kledën kam fitoren”.

Në vitin 2000 Kleda, tashmë 14-vjeçare, grumbullohet me ekipit ko,betar të para të rejave dhe afirmon talentin e saj si volejbolliste . Po këtë vit merr pjesë në kampionatin Ballkanin që u zhvillua në Greqi, si kapitene e ekipit. Vazhdon shkollën e mesme të përgjithshme “Myslim Keta”, pa u shkëputur asnjë ditë nga stërvitja. Në tabelën e shkollës të talenteve të reja qëndron fotografia e saj si sportiste e afirmuar.

Në vitin 2003 merr pjesë në ballkaniadën e zhvilluar në Turqi si kapitene e ekipit për të reja. Statistikat e nxjerrin Kledën në bend të parë në ekipin kombëtar që kishte shënuar më shumë pikë dhe në vend të gjashtë në olimpiadën ballkanike. Në këtë kohë nga disa trajnerë si i Rumanisë, Turqisë, pati interesim për të shkuar në ekipet e tyre, por Kleda, tashti 17-vjeçare, u përgjigj: “Kam kënaqësi të luaj për vendin tim”.

Në vitin 2005 Kleda bëhet pjesë e ekipit kombëtar për të rritura dhe merr pjesë në lojrat ndërkombëtare të zhvilluara në Spanjë.

Viti 2008, viti që po mbyllet, ishte për Kledën viti i ngjarjeve të mëdha: Mbaroi studimet në Akademinë “Vojo Kushi” dhe fillon punë si mësuese e edukimit fizik. Ekipi i “17 Nëntorit” Ku Kleda bën pjesë, mori kupën e Shqipërisë, kupën “Harun Dajaka” dhe kupën e federatës, kurse në kupën Gabel Voly të zhvilluar në Mal të Zi, Kleda mori kupën si lojtare më e mirë e këtij aktiviteti. Po ashtu gjatë këtij viti mori pjesë në kampionatin Evropian të volejbollit të zhvilluar në Angli, Slloveni, Çeki.

Ja, kjo është Kleda, kapitenia e ekipit të “17 Nëntorit” të Titanës.

Kleda ka mjaft cilësi të mira edhe si njeri, por këtë radhë deshwm të shkruajmë vetëm për rezultatet e saj në sport. Ndoshta ndonjë herë tjetër...

                                             Meliha (Lohja) Shkurti